9.17.2006

Pecaminoso idilio entre dogmas de fe e a ciencia

Tras unha xornada tan amena como a de onte no meu bar de carretera debería amenizarvos con anécdotas varias, como que Don Manuel, nun acto sen precedentes na historia do bar, deixoume propina (sen pedirme sexo a cambio) e o meu camioneiro preferido agasalloume cun libro de pasatempos coas tetas de Malena Gracia e a Berrocal de portada.
Pero a actualidade manda e o feito onte producido nunha remota aldea de Lugo é digno de ser publicado. Non tiven a desgracia de presenciar o que a continuación relatarei, pero provén de fontes fidedignas e moito menos tendenciosas ca min.
Contexto: Primeiro cabodano dunha señora que non fixo outra cousa en vida que deixarse os lombos nas leiras, criar ós seus fillos e crer en deus fervorosamente (miña avoa).
O crego que oficiaba a misa no seu honor creceuse ante o inusitado público multitudinario e prolongou os seus sermóns máis do axeitado delantado o seu parentesco con Nostradamus. Velaquí unha transcripción aproximada das súas verbas:
"Porque eiquí todos somos uns pecadores infames e o único xeito de que as vosas almas poidan vivir en paz é acudindo a misa con regularidade. Aquí é onde tedes que vir! Porque o día que non haxa misa chegará a fin do mundo. Si!! E non volo digo eu. Dino os que saben. Está demostrado científicamente que a fin dos nosos días chegará cando non haxa misa".

Hermanos, istó si que é a apocalipse. En menos dunha semana, o amigo Nazinger alude á "irracionalidade" da teoría das especies de Darwin e un crego vennos con feitos "científicamente demostrados". Pero vamos a ver. Non hai milleiros de palabras máis axeitadas que "irracional" para que un abade, cuxa existencia xira en torno a dogmas de fe, critique un termo? Alguén me pode explicar qué ten de irracional a teoría da evolución en comparación co Xénese (ollo, nunca lle quitarei mérito á Biblia como libro de contos nin o seu potencial como fonte de guions para telenovelas) ou mesmo coa teoría da xeración espontánea? E dende cando a Igrexa ten que aludir a fundamentacións científicas para ter credibilidade?
Onde carallo estará Hans Küng e a cuadrilla do Concilio Vaticano II? Volvede por favor!!!

5 Comments:

Blogger kefalay divagou así:

Mi má, esta xente cada día está pior... Pero faime gracia ver cómo empregan a ciencia cando lles convén, coma sempre. En fin, teño que confesar que eu non vou a misa porque sempre acabo rachando coa risa e non quero que as señoras/es respetables me queimen nunha fogueira...

9/18/2006 1:39 PM  
Blogger elduende divagou así:

Pero, mujer, claro que es irracional. Los científicos no saben que el monstruo volador de espaguetis (osea, Dios) interfiere en todas las pruebas y demostraciones que realizan. Más datos en www.venganza.org

9/18/2006 4:35 PM  
Blogger Arale Norimaki divagou así:

"...a teoría da evolución en comparación co Xénese?"

Disculpesemese si no fui suficientemente diáfana. Nadie puede ni debe dudar que la teoría de la evolución es irrisoria frente a la honorífica Iglesia del Monstruo Volador de Espaguetis, único y verdadero creador del universo, temible y platipresente. Alabado sea el Pastafarismo!!

9/18/2006 7:45 PM  
Anonymous A Randeeira divagou así:

Pois eu non penso ir á misa hasta ca SGAE lles cobre dereitos polos cánticos e loubanzas varias.

9/18/2006 7:58 PM  
Blogger elianinha divagou así:

randeeira, creo que xa hai 100 anos que morreron os autores das letras e compositores, así que están exentos. De todos os xeitos, se queres o móbil da tía da sgae en santiago, pídemo, que somos 'superamigas'. Non me acorda o nome (bueno, en realidade si, pero prefiro nin mentalo), porque o teño gardado como PUTA SGAE, para cando chama que non me confunda no tono que lle teño que falar.
Arale, estás perdida, amiga, quiera el dios espagueti salvarte.

9/19/2006 11:24 AM  

Zverejnenie komentára

<< Home